Bakı. Trend:
2015-2016-ci il İngiltərə Premyer Liqasının sensasion qalibi olan Lester City futbol klubu İngiltərə çempionatında keçirdiyi son 5 oyunda meydanı məğlubiyyətlə tərk edib.
Trend xəbər verir ki, bazar günü keçirilən qarşılaşmada Suonsi klubuna 0:2 hesab ilə məğlub olan Klaudio Ranyerinin yetirmələri, artıq beş oyundur ki çempionatda xal qazana bilmir.
Son məğlubiyyətdən sonra "tülkülər" 21 xalla turnir cədvəlində 17-ci pillədə qərarlaşıb.
Qeyd edək ki, Lester komandası ötən mövsümdə 81 xal toplayaraq, tarixində ilk dəfə İngiltərə çempionu olub.