Bakı. Trend:
2022 Formula 1 Azərbaycan Qran-Prisində F1 pilotlarının birinci məşq sessiyası başa çatıb.
Trend xəbər verir ki, ilk üçlükdə “Red Bull” və “Ferrari” komandalarının pilotları qərarlaşıb.
Belə ki, birinci məşq sessiyasında finiş xəttinə ən qısa zamanda çatan pilot “Red Bull” komandasından Serxio Peres olub. İkinci yerdə “Ferrari” komandasından Şarl Lekler, üçüncü yerdə isə “Red Bull” komandasından Maks Verstappen qərarlaşıb.
Qeyd edək ki, bu gün Formula 1 Azərbaycan Qran-Prisində ikinci məşq sessiyası 18:00-da baş tutacaq.
