Bakı. Trend:
Bu gün futbol üzrə Türkiyə Super Liqasının 13-ci turu çərçivəsində İstanbul derbisi baş tutub.
Trend xəbər verir ki, "Qalatasaray" klubu öz meydanında "Beşiktaş" klubunu qəbul edib.
Oyun meydan sahibi komandasının 2:1 hesablı qələbəsi ilə yekunlaşıb. "Qalatasaray"ın heyətində hər iki qolu Mauro İkardi (18 və 59-cu dəqiqələr), qonaqların yeganə qolunu isə 28-ci dəqiqədə Cenk Tosun vurub.
Qeyd edək ki, 13 turdan sonra "Qalatasaray" (12 oyun keçirib) 24 xalla ikinci yerdə, "Beşiktaş" isə 22 xalla beşinci yerdə qərarlaşıb.