Bakı. Trend:
Amerikalı futbol şərhçisi Qrant Val Qətərdə keçirilən futbol üzrə dünya çempionatının 1/4 final mərhələsini işıqlandırarkən Dohada vəfat edib.
Trend-in məlumatına görə, bu barədə şənbə günü Amerika Milli İctimai Radiosunun (National Public Radio, NPR) müxbiri Rassel Lyuis Tvitter səhifəsində məlumat verib.
"O, Dohada Argentina və Niderland arasında keçirilən dünya çempionatının 1/4 final matçını işıqlandırarkən dünyasını dəyişib", - deyə R.Lyuis yazıb.
ABŞ Futbol Federasiyası şərhçinin ölümü ilə bağlı başsağlığı verib.