Bakı. Trend:
Avqustun 2-də Ağdamın “Qarabağ” futbol klubu UEFA Çempionlar Liqasının II təsnifat mərhələsi çərçivəsində Polşanın “Rakuv” komandası ilə cavab oyununu keçirib.
Trend-in məlumatına görə, oyun 1:1 hesabı ilə başa çatıb.
Qonaq komandanın heyətində qolu 52-ci dəqiqəsində Fran Tudor vurub. Görüşün 60-cı dəqiqəsində Ağdam komandasının heyətində Redon Cica fərqlənib.
Komandalar arasında Polşada keçirilən ilk qarşılaşmada “Rakuv” 3:2 hesablı qələbə qazandığından iki oyunun nəticəsinə görə qalib gələrək növbəti mərhələyə vəsiqəni təmin edib. “Qarabağ” isə mübarizəni UEFA Avropa Liqasında davam etdirəcək.