Bakı. Trend:
"Nitsa"nın yarımmüdafiəçisi Aleksis Beka-Beka intihara cəhd edib.
Trend xəbər verir ki, 22 yaşlı futbolçu Nitsa yaxınlığında yerləşən körpünün üzərində dayanaraq 100 metrdən çox hündürlükdən özünü atmaq istəyib.
Hadisə yerinə müxtəlif təcili yardım xidmətləri, klubun psixoloqu göndərilib. Körpüdə nəqliyyatın hərəkəti kəsilib və nəticədə 5 kilometrlik tıxac yaranıb.
Bir neçə saatlıq danışıqlardan sonra oyunçu körpüdən götürülüb. Futbolçu sağ-salamatdır və həyati təhlükəsi yoxdur.
Fransa mətbuatın yazdığına görə, Bek-Bekin bu cür hərəkətlərinə səbəb sevgilisindən ayrılması olub. Lakin futbolçunun nümayəndələri bu məlumatı təkzib edirlər .