Bakı. Trend:
"Zirə" növbəti avrokubok oyununa çıxıb.
Trend İdman.biz-ə istinadən xəbər verir ki, Konfrans Liqasında mübarizə aparan Rəşad Sadıqovun yetirmələri "Dunayska Streda" ilə qarşılaşıb.
Bakıda rəqibini darmadağın edən Bakı klubu uğurunu Slovakiyada da davam etdirib. Cari mövsümün bütün görüşlərində qol sevinci yaşayan "Zirə" səfərdə 2:1 hesabı ilə güclü olub.
Qeyd edək ki, Rəşad Sadıqovun komandası ilk oyunda 4:0 hesbaı ilə qalib gəlib.
Təmsilçimizin növbəti mərhələdə rəqibi "Osiyek" olacaq.
Xorvatiya klubu II mərhələdə "Levadiya" ilə münasibətlərinə aydınlıq gətirib. Özü meydanın 5:1 hesabı ilə qalib gələn "Osiyek" Estoniyada 1:0 hesabı ilə üstün olub.
Qeyd edək ki, "Zirə" ilə "Osiyek" arasında ilk oyun avqustun 8-də Xorvatiyada, cavab matçı 1 həftə sonra Bakıda olacaq.