Bakı. Trend:
Braziliyalı forvard Qabriel Jezus uzun müddətə sıradan çıxıb.
Trend xəbər verir ki, bu barədə London klubunun mətbuat xidməti məlumat yayıb.
27 yaşlı futbolçunun xaçvari diz bağlarının qırıldığı bildirilib. Jezusun qarşıdakı günlərdə cərrahiyə əməliyyatı keçirəcəyi və 2024/2025 mövsümünün sonuna qədər meydana çıxa bilməyəcəyi dəqiqləşib.
Qeyd edək ki, Qabriel İngiltərə kubokunda "Mançester Yunayted"ə qarşı keçirilən oyunda zədələnib. O, bu mövsüm ərzində 27 oyunda iştirak edib və 7 qol vurub.