Bakı. Trend
İspaniyanın "Real" (Madrid )klubu rəsmi saytında Karlo Ançelottinin komandanın baş məşqçisi postunu tərk etdiyini elan edib.
Trend bu barədə klubun rəsmi saytına istinadən məlumat verir.
“Klubumuz “Real”ın və dünya futbolunun ən böyük əfsanələrindən birinə öz təşəkkürünü və sevgisini bildirmək istəyir. Karlo Ançelotti komandamıza 123 illik tariximizin ən uğurlu dövrlərindən birində rəhbərlik edib. <...> Klub ona və ailəsinə həyatının bu yeni mərhələsində uğurlar arzulayır”, – məlumatda qeyd olunub.
Bildirilir ki, tərəflər əmək müqaviləsinin ləğvi ilə bağlı qarşılıqlı razılığa gəliblər.