Bakı. Trend:
Səudiyyə Ərəbistanının “Əl-Əhli” klubu heyətini Serbiya millisinin yarımmüdafiəçisi Nemanya Qudellə gücləndirmək istəyir.
Trend xarici KİV-lərə istinadən xəbər verir ki, ərəblər Ciddə şəhərinin təmsilçisi 34 yaşlı yarımmüdafiəçi üçün “Sevilya”ya rəsmi təklif də göndərib.
Təcrübəli futbolçunun Əndəlusiya klubu ilə müqavilə müddəti 2026-cı il iyunun 30-na qədərdir.
Qudel karyerası ərzində “AZ Alkmaar”, “Ayaks”, “Tianjin Teda”, “Quanjou Everqrand”, “Sportinq”(Lissabon) klublarında oynayıb və 2019-cu ildə “Sevilya”ya keçib.