Bakı. Trend:
Futbol üzrə Azərbaycan Kubokunda 1/4 final mərhələsinin ilk matçlarına yekun vurulub.
Trend xəbər verir ki, “Turan Tovuz”“Kəpəz”i sınağa çəkib. "Azərsun Arena"da keçirilən matç Tovuz klubunun minimal hesablı qələbəsi ilə başa çatıb. Qalib komandanın heyətində yeganə qolu 57-ci dəqiqədə Hayderson Hurtado vurub.
Günün ilk oyununda “Qarabağ” “Şamaxı”ya 1:2 hesabı ilə uduzub.
Ötən gün baş tutan “Sumqayıt” – “Zirə” və “Sabah” – “Qəbələ” oyunları qolsuz heç-heçə ilə yekunlaşıb.
Qeyd edək ki, Azərbaycan Kubokunda 1/4 final mərhələsinin cavab matçları martın 3-də keçiriləcək.