Bakı. Trend:
Transxəzər Beynəlxalq Nəqliyyat Marşrutunun iştirakçı ölkələri yükdaşımaların rəqəmsallaşdırılması üçün elektron sistemlərin inteqrasiyasını sürətləndirməlidir.
Trend -in məlumatına görə, bunu cümə günü jurnalistlərə Bakı Limanının baş direktoru Taleh Ziyadov deyib.
Onun sözlərinə görə, yükdaşımalar elə təşkil edilməlidir ki, sərhəd keçidi mümkün qədər sadələşsin.
“Azərbaycan, Qazaxıstan, Türkiyə, Gürcüstan, Türkmənistan, Özbəkistan vahid strategiya çərçivəsində sənəd dövriyyəsinin rəqəmsallaşdırılması və öz sistemlərinin inteqrasiyası üzərində işləyirlər”, - deyə T.Ziyadov bildirib.