Bakı. Trend:
Azərbaycan iqtisadiyyatının dayanıqlı inkişaf məqsədlərinin (DİM) maliyyələşdirilməsi üçün "İnvestor xəritəsi"nin hazırlanması üzrə işlərin cari ilin noyabrınadək tamamlanması planlaşdırılır.
Trend-in məlumatına görə, bu barədə İqtisadiyyat Nazirliyinin dayanıqlı inkişaf və sosial siyasət şöbəsinin müdiri, Dayanıqlı İnkişaf üzrə Milli Əlaqələndirmə Şurasının katibi Hüseyn Hüseynov Azərbaycan iqtisadiyyatının dayanıqlı inkişaf məqsədlərinin (DİM) maliyyələşdirilməsi üçün "İnvestor xəritəsi"nin təqdimatında deyib.
Onun sözlərinə görə, bu hadisə ilə bağlı dayanıqlı investisiya inkişafı üzrə ikinci forumun keçirilməsi planlaşdırılır.
"Qeyd etmək istəyirəm ki, biz "İnvestor xəritəsi" layihəsini istər Azərbaycanda, istərsə də ölkə hüdudlarından kənardakı BMTİP mütəxəssisləri ilə birgə həyata keçirməkdəyik. Noyabr ayında keçiriləcək forumda layihənin əldə olunmuş məqsədləri və bütünlükdə DİM-in əldə olunması üzrə götürülən öhdəliklər haqqında ətraflı məlumatı paylaşacağıq", - H.Hüseynov deyib.