Kazan. Trend:
Qazaxıstan enerji təhlükəsizliyini gücləndirmək üçün "BRICS+" çərçivəsində etibarlı tərəfdaşlıqlar qurmağa çalışır.
Trend xəbər verir ki, bunu Kazanda keçirilən XVI BRİCS sammitinin "BRİCS+" formatında birinci plenar iclasında çıxış edərkən Qazaxıstan Prezidenti Kasım-Jomart Tokayev deyib.
"Biz neft və qazın, eləcə də nadir faydalı qazıntıların hasilatı və emalı sahəsində mövcud layihələrin təşviqində və yeni layihələrin həyata keçirilməsində maraqlıyıq. BRİCS-in böyük potensialından su qıtlığı, həddindən artıq temperatur artımı və səhralaşma kimi iqlim dəyişikliyinin təsirlərini aradan qaldırmaq üçün də istifadə edilməlidir", - deyə o bildirib.
Onun sözlərinə görə, Qazaxıstan BRİCS-ə qlobal tərəqqinin hərəkətverici qüvvələrindən biri kimi baxır.