Bakı. Trend:
Bu ilin yanvarın 1-nə Naxçıvan Muxtar Respublikasında qeyri-dövlət sektorunda bağlanmış əmək müqavilələrinin sayında əvvəlki dövrlə müqayisədə 72,8% artım qeydə alınıb.
Bu barədə Trend-ə muxtar respublikanın iqtisadiyyat nazirliyindən məlumat verilib.
Bildirilib ki, 2023-cü illə müqayisədə qeydiyyatda olan VÖEN-lərin sayı 32,3%, aktiv VÖEN-lərin sayı 71,4%, aktiv obyektlərin sayı isə 19,7% artıb.
Məlumata görə, 2023-cü ildə muxtar respublikada 6263 yeni Vergi Ödəyicisinin Eyniləşdirmə Nömrəsi (VÖEN) qeydiyyata alınıbsa, 2024-cü ildə bu göstərici 6682-yə çatıb. Bu isə əvvəlki illə müqayisədə 419 yeni VÖEN və ya 6,7% artım deməkdir.
“Vergi ödəyicilərinin sayının artması Naxçıvanda iqtisadi aktivliyin yüksəldiyini göstərir. Xüsusilə kiçik və orta biznesin inkişafına yönəlmiş tədbirlər, sahibkarlara verilən güzəştlər və dövlət dəstəyi bu artımda mühüm rol oynayır”, - deyə məlumatda vurğulanıb.