Bakı. Trend:
Ötən il “Şahdəniz” yatağından 4,2 milyon ton qaz kondensatı hasil edilib.
Trend bu barədə Energetika Nazirliyi tərəfindən 2024-cü ildə görülmüş işlərə dair hesabatına istinadən xəbər verir.
Məlumata görə, ötən il “Şahdəniz” yatağından qaz kondensatı hasilatının proqnozu 4,3 milyon ton olub.
Hasilat göstəriciləri proqnozdan 100 min ton və ya 2,3% geri qalıb.
“Şahdəniz” yatağından qaz kondensatı hasilatı əvvəlki illə müqayisədə 2,6% azalıb.