Bakı. Trend:
Bu il yanvarın 1-nə olan vəziyyətə görə, Azərbaycan banklarının xalis xarici aktivləri 25,822 milyard manat təşkil edib.
Trend Azərbaycan Mərkəzi Bankına (AMB) istinadən xəbər verir ki, bu, aylıq müqayisədə 2,3 milyard manat (-8,3%), ötən ilin yanvarın 1-nə nisbətən isə 781,9 milyon manat (-2,9%) azdır.
Hesabat tarixinə bankların xalis daxili aktivləri isə 24,038 milyard manat təşkil edib ki, bu da aylıq müqayisədə 1,6 milyard manat və ya 8,5%, ötən ilin yanvarın 1-nə nisbətən isə 4,1 milyard manat və ya 20,8% çoxdur.
Hesabat dövrünə Azərbaycanda cəmi aktivləri 57,086 milyard manat, cəmi öhdəlikləri 49,744 milyard manat, balans kapitalı 7,342 milyard manat olan 22 bank fəaliyyət göstərir.