Azərbaycan, Bakı / Trend müxbir S. Babayeva/ Azərbaycan Kənd təsərrüfatı nazirliyi Ramazan bayramı ilə əlaqədar 12-13 oktyabrda paytaxtın yarmakalarına çıxarılan kənd təsərrüfatı məhsullarının həcmini artırmaq fikrindədir. Çərşənbə axşamı nazirliyin mətbuat xidmətinin başçısı Murtuzəli Hacıyevin verdiyi məlumata görə , regionlardakı sahibkarlar nazirliyin planları barədə artıq məlumatlandırılıblar .
Mətbat xidməti başçısının sözlərinə görə , Bakı rayonları bazarlarına 2006-cı ilin iyulundan 2007-ci ilin 16 sentyabrına dək 23 min ton kənd təsərrüfatı məhsulu çıxarılıb . Son yarmarkaya 22-23 sentyabrda çıxarılan məhsulun həcmi 485 ton təşkil edib .
Nazirlikdə hesab edirlər ki , yarmarkalar istehsalçıya öz məhsulunu maneəsiz təqdim etməyə imkan yaradır . Əhali münasib qiymətə keyfiyyətli məhsul alır ( bütün məhsullar gkspertizadan keçir ).
Yarmarkalar paytaxtın yeddi rayonu - Suraxanı , Nərimanov , Yasamal , Xətai , Nizami, Binəqədi və Nəsimi ərazisində şənbə və bazar günləri təşkil olunur .
