Azərbaycan, Bakı / Trend müxbir Ü.İsmayılova/ Cümə günü "Texnika leasing" şirkətinin rəhbəri Elxan Nəcəfquliyevin verdiyi məlumata görə, lizinq şirkəti ilin sonuna qədər lizinq portfelini hazırkı 4,5 mln. manatdan 8 mln. manata qədər artırmaq niyyətindədir.
Nəcəfquliyevin sözlərinə görə, ilin əvvəlində imzalanmış müqavilələrin sayı 17, potensial müqavilələrin sayı isə 8-dir.
"Texnika leasing" lizinqə əsasən tikinti və nəqliyyat avadanlığı verir.
Şirkətin rəhbəri qeyd edib ki, "Texnika leasing" həmçinin nizamnamə kapitalını hazırkı 200 min manatdan 500 min manata qədər artırmağı planlaşdırır.
"Texnika leasing" 2004-cü ildən fəaliyyət göstərir və "Texnika Bank" ASC-nin törəmə şirkətidir.
