Azərbaycan, Bakı/ Trend müxbir A.Bədəlova/ İslam İnkişaf Bankı "Əmrah Bank"a kredit vəsaiti təqdim etmək niyyətindədir. "Əmrah Bank" İdarə Heyətinin sədri cümə axşamı bildirib ki, İslam İnkişaf Bankının təqdim edəcəyi kreditin həcmi 5 mln. manat olacaq. Vəsaitlər beş il müddətinə təqdim olunacaq.
"İslam Bankı artıq kreditin verilməsini təsdiqləyib, indi isə sənədləşdirmə prosesi gedir. Yanvar ayında kredit artıq bizə verilməlidir" - deyə Ağamalıyev bildirib.
Hazırda "Əmrah Bank"ın nizamnamə kapitalı 12 mln. manat təşkil edir. "Əmrah Bank" Azərbaycanda 1993-cü ildən fəaliyyət göstərir, ölkə ərazisində 20 filialı var, işçilərinin sayı isə 250 nəfərdir.
