Azərbaycan, Bakı / Trend müxbir İ.Xəlilova / "AzerigazBank" səhmdar-investisiya bankı nizamnamə kapitalında xarici iştirakı daha 10 faiz artırmağı planlaşdırır. Bu barədə "AzerigazBank"ın Müşahidə Şurasının sədri Çingiz Əsədullayev məlumat verib. Bu günə qədər "AzerigazBank"ın yeganə səhmdarı bankın nizamnamə kapitalında 17, 5 faiz (735 000 səhm) iştirak payı əldə edən Beynəlxalq Maliyyə Korporasiyasıdır (IFC).
Bankın yeni xarici səhmdarı investisiya şirkəti olacaq. Əsədullayev bildirib ki, şirkətin adı Azərbaycan Milli Bankından razılıq əldə olunduqdan və dekabrın 3-də nəzərdə tutulan səhmdarların toplantısından sonra açıqlanacaq.
Səhmdar bankın yeni emissiyası vasitəsilə daxil olacaq. "AzerigazBank" 10 faiz səhm zərfinin satışı üzrə sazişi bazar qiymətləri üzrə imzalamağa hazırlaşır.
Əsədullayevin sözlərinə görə, bankın planlarına birgə kapitalı hazırkı 18 mln. manata nisbətdə 30 mln. manata qədər artırmaq daxildir. Bu məsələ səhmdarların toplantısında müzakirə mövzusu olacaq. Bununla yanaşı, bankın nizamnamə kapitalı 12 mln. manatdan 15 mln. manata qədər artacaq.