Azərbaycan, Bakı/ Trend müxbir Ü.İsmayılova/ Keçən həftə Azərbaycanın Dövlət İstehlak Bazarına Nəzarət Xidmətinin rəhbəri Xaliq Məmmədov Latviyanın Ərzaq-Baytarlıq Xidmətinin baş direktoru Marek Samoxvalovla Azərbaycanda ərzaq-baytarlıq diaqnostika mərkəzinin tikilməsi haqqında memorandum izmalayıb. Dövlət xidmətinin rəhbəri Məmmədov bildirib ki, müqavilənin imzalanmasınd məqsəd Azərbaycanda ərzaq məhsullarının keyfiyyətinin yoxlanılması üçün beynəlxalq standartlara cavab verən böyük laboratoriyanın tikilməsidir. Azərbaycanda beynəlxalq standartlara cavab verən laboratoriya yoxdur və bununla əlaqədar olaraq ərzaq məhsullarının keyfiyyətinin analizi aparılan zaman Dövlət Xidməti daima problemlərlə qarşılaşır. Laboratoriyanın tikilmə müddəti və dəyəri 2008-ci il dövlət büdcəsi təsdiqləndikdən sonra müəyyən ediləcək. İqtisadi İnkişaf Nazirliyi artıq laboratoriyanın tikilməsi üçün vəsait ayrılması təklifi ilə hökumətə müraciət edib. Azərbaycanın İstehlak Bazarına Nəzarət üzrə Dövlət Xidmətinin Bakıda, Naxçıvanda, Gəncədə, Xaçmazda, Cəlilabadda və Şəkidə laboratoriyaları var.
...
