Azərbaycan, Bakı / Trend , müxbir İ.Xəlilova / Azərbaycan Milli Bankının (AMB) İdarə Heyəti noyabrın 29-da iki Azərbaycan bankına, "PaşaBank" ASC və "AvrasiaBank" Səhmdar-Kommersiya Bankına ölkə ərazisində bank fəaliyyətinin göstərilməsinə dair liseziya vermək barədə qərar qəbul edib. Bu barədə cümə axşamı AMB-nin kredit təşkilatlarının fəaliyyətinə nəzarət şöbəsinin direktoru Adışirin Qasımov məlumat verib.
Qasımovun sözlərinə görə, hər iki bank ölkə bazarına 100%-lik Azərbaycan kapitalı ilə daxil olur. Bu banklar bank xidmətlərinin bütün spektrini təklif etməklə, universal fəaliyyət göstərəcəklər. Bankların müştərilərə göstərilən xidmətlərin inkişafına fəal şəkildə cəlb olunması planlaşdırılır.
Respublikada hazırda 44 bank fəaliyyət göstərir, lakin "Poctbank" hesabat vermir, belə ki, bankın əməliyyatları tamamilə məhdudlaşdırılıb. Bu səbəddən də, "PaşaBank" və "AvrasiaBank"ın
bank bazarına daxil olması ilə, bankların ümumi sayı 45-ə çatıb.
Ölkədə fəaliyyət göstərən 43 bankın ümumi kapitalı oktyabrın 1-nə 959,7 mln. manat təşkil edib, bu, 2007-ci ilin əvvəli ilə müqayisədə 59,1% çoxdur. Bazara iki yeni bankın daxil olması ilə kapitalizasiya minimum 20 mln. manat artacaq, belə ki, AMB-nin tələbi ilə Azərbaycanda yeni yaradılan bankların Nizamnamə kapitalı 10 mln. manat təşkil edir.