Azərbaycan, Bakı / Trend , müxbir İ.Xəlilova / Bu gün Qara Dəniz Ticarət və İnkişaf Bankı (QDTİB ) ilə Teknikbank arasında İpotekann maldiyyələşdirilməsi üçün altı il müddətinə 8 mln. dollar həcmində kreditin verilməsinə dair müqavilə imzalanıb.
"Bu hadisənin əhəmiyyəti ondan ibarətdir ki, o, Azərbaycan bankı ilə imzalanan ilk kredit müqaviləsidir və beynəlxalq maliyyə institutları tərəfindən mənzil maliyyələşdiriləməsi üçün Azərbaycana verilən birinci kredit hesab olunur" - deyə imzalanma mərasimində QDTİB-nın vitse-prezidenti Andrey Kondakov qeyd edib.
Onun rəyinə görə, bu Qara Dəniz Bankının Azərbaycanda və maliyyə vəsaitlərinin diversifikasiyasında mövcudluğunun təsdiqidir. Bu, Texnikabank üçün ikinci kredit xətti hesab olunur, birincisi isə, 2006-cı ilin yayında 22 mln. dollar civarında olub.
Azərbaycanın iqtisadi inkişaf nazirinin müavini Mikayıl Cabbarov bildirib ki, İpoteka krediti Azərbaycan üçün sosial əhəmiyyətə malikdir və ölkə əhalisinin mənzil problemlərini həll etməsinə imkan yaradır.
Texnikabank İpoteka kreditlərini 12 faizlə vermək niyyətindədir, belə ki, vəsait QDTİB-dən libor+3,7 illik faizlə alınıb. Texnikabankın Müşahidə Şurasının sədri Etibar Əliyevin sözlərinə görə, bununla əlaqədar maliyyələşdirmə şərtləri Azərbaycan İpoteka Fondunun (AİF) şərtlərindən fərqlənəcək. Belə ki, banklar AİF-dən vəsaiti 2 faiz üzrə götürüb, maksimum 8 faiz üzrə verə bilərlər.
Bu gün Texnikabankın İpoteka portfeli 11 mln. manat təşkil edir ki, bunun da 10,2 mln. manatı AİF-nın vəsaiti hesabına verilib. Bank tərəfindən bu günə qədər 350 İpoteka krediti verilib.
