Azərbaycan, Bakı/ Trend , müxbir S.Babayeva/ Naxçıvan Muxtar Respublikasında (NMR) yanvar-noyabrda sənaye istehsalının dəyəri 116.2 mln. manat təşkil edib. Bu, 2006-cı ilin eyni dövrü ilə müqayisədə 67.5% çoxdur. Bu barədə NMR-in Bakıdakı daimi nümayəndəliyindən məlumat veriblər. Ümumi istehsal strukturunda 70.8% məhsul istehsalının, 29.2% faiz xidmətlərin payına düşür. Sənaye istehsalının 0.3%-i hasilat, 70.7%-i emal, 29%-i elektrik enerjisinin və suyun istehsalı, paylanması ilə məşğul olan müəssisələrin payına düşür. Artım hasilatda 19.1%, emalda 49.6%, elektrik enerjisi və suyun paylaşdırılması sferasında 2.4 dəfə təşkil edib. Sənaye sferasında özəl sektorun payı 81.6 mln. manat, dövlət sektorunun payı 35 mln. manat olub.
...