Azərbaycan, Bakı / " ", müxbir U.İsmayılova/ Azərbaycanın Əhalinin Sosial Müdafiəsi Fondu 2008-ci il üçün ilkin büdcə proqnozlarını açıqlayıb. Bu barədə Fondun bazar ertəsi yayılan məlumatında bildirilir.
Fondun ilkin proqnozlarına görə, 2008-ci il xərcləri 1,27 mlrd. manat, əhaliyə ödəmələr 1,21 mlrd. manat, dövlət büdcəsinə köçürmələr 350 mln. manat təşkil edəcək.
Məlumatda bildirilir ki, əhalinin pensiya və müavinətlərlə təmin edilməsi üçün bank əməliyyatları üzrə xidmət xərcləri 15,17 mln. manat, Azərbaycan Həmkarlar İttifaqı Konfederasiyası xətti üzrə sosial sığorta edilənlər üçün istirahət və profilaktikaların maliyyələşdirilmə xərcləri 9,3 mln. manat təşkil edəcək.
Əhalinin məşğulluğu, həmçinin, əmək və məşğulluq orqanlarının təminatı üzrə tədbirlərin həyata keçirilməsi xərcləri 6,41 mln. manat təşkil edəcək. Mütləq dövlət sosial sığortası üzrə ödəyicilərin fərdi qeydiyyat sisteminin tətbiq edilməsi üçün 1,65 mln. manat, qrant layihələrinin Azərbaycan hissəsinin maliyyələşdirilmə payı isə, 415 min manat təşkil edəcək.
