Azərbaycan, Bakı, 22 yanvar/ Trend , müxbir İ.Xəlilova/ Azərbaycan nümayəndə heyəti yanvarın 23-24-də Avropa İttifaqına üzv dövlətlərin potensial investorlarının iştirakı ilə keçən "Public İnfrastructure- 2008" beynəlxalq konfrasında iştirak etmək üçün Hannoverə yola düşüb. Bu barədə çərşənbə günü ölkənin İqtisadi İnkişaf Nazirliyindən məlumat veriblər. Nümayəndə heyətinə nazirlik aparatının rəhbəri Samir Vəliyev rəhbərlik edəcək.
O, investoralı ölkə iqtisadiyyatının hazırki vəziyyəti və iqtisadi nailiyyətlər haqqında məlumatlandıracaq. Həmçinin, telekommunikasiya, su kanallarının tikintisi, alternativ elektrik enerjisi mənbələri sahələrində Azərbaycan Dövlət İnvestisiya Proqramına daxil edilmiş layihələrin təqdimatı baş tutacaq.
Nümayəndə heyətinin tərkibinə, həmçinin, sənaye və energetika, rabitə və informasiya texnologiyaları nazirliklərinin, "Meliorasiya və Su təsərrüfatı" ASC-nin nümayəndələri daxil olacaqlar.
