Azərbaycan, Bakı, 29 yanvar / Trend , müxbir S.Babayeva/ Azərbaycanda iri sement istehsalçısı olan "Garadagh Cement" ASC-nin bazardakı payı tədricən azalır. ASC-dən verilən məlumatda bildirilr ki, bu barədə şirkətin baş direktoru Xoria Adrian biznes-tərəfdaşlarla görüş zamanı bildirib.
"Hazırda zavod daxili bazarda sementə olan tələbatın cəmi 43 faizini təmin edir" - deyə o bildirib.
Digər bazar payı isə başqa yerli istehsalçıların və Rusiya, İran, Gürcüstan, Ukrayna, Türkmənistan, Özbəkistan və Çindən idxal olunan sementin payına düşür.
Azərbaycan Dövlət Statistika Komitəsinin məlumatına əsasən, 2007-ci ildə ölkədə 1 778 min ton sement istehsal olunub. Bu, 2006-cı il ilə müqayisədə 10,6 faiz çoxdur. İstehsal olunan sementin bütün həcmi özəl sektorun payına düşüb.
