Azərbaycan, Bakı, 06 fevral / Trend , müxbir İ.Xəlilova / Almaniyanın KFW inkişaf bankı Kredit-Zəmanət Fondunun (KZF) idarə edilməsi üçün cəlb olunan məsləhətçi ilə müqavilənin imzalanması proseduruna başlayıb. Bu barədə çərşənbə günü KFW-nin Bakı ofisinin rəhbəri Natiq Abdullayev məlumat verib.
Onun sözlərinə görə, İqtisadi İnkişaf Nazirliyi bankın Almaniyanın Əmanət Kassaları üzrə Beynəlxalq Əməkdaşlıq Fondunun (SBFIC) simasında təqdim etdiyi namizədi, həmçinin, kreditlərinə KZF vasitəsilə təminat veriləcək bankların siyahısını təsdiq edib.
KFW birinci mərhələdə Almaniya-Azərbaycan Fondunun tərəfdaşları kimi çıxış edən "Bank of Baku", "Bank Respublika", "UniBank", "Para Bank", "Azerdemiryolbank" və "Azerigazbank"ı bank-agent qismində cəlb etməyi təklif edib.
KZF 2008-ci il ərzində fəaliyyətə başlaya bilər, lakin vaxt konkretləşdirilimir; bu, Almaniya bankına əvvəlləcə xidmət dəyərləri üzrə təklifləri təqdim etməli olan SBFIC ilə müqavilənin bağlanmasından asılıdır. Onun artıq iki Qafqaz ölkəsində bu istiqamətdə iş təcrübəsi var.
KfW Kredit-Zəmanət Fondunun yaradıılması üçün Azərbaycana 4 mln. avro təqdim edib. Bu məbləğin 3,75 mln. avrosu Fondun yaradılmasına zəmanət və 0,25 mln. avro isə, məsləhətçinin xidmət haqqı qismində olacaq. Fond KfW Baş qərargahında hesablaşma hesabı formasında fəaliyyət göstərməlidir. Azərbaycan bankları müraciət edərlərsə, məsləhətçi onları inandıracaq və KfW qarşısında zəmanətlə çıxış edəcək.
Azərbaycan bankları beynəlxalq banklardan vəsaiti AAA+ reytinqinə malik olan KfW kredit şərtləri ilə götürə bilər.
İlkin mərhələdə Fondun həcmi 2,3 mln. avro təşkil edəcək. Kredit-Zəmanət Fondu banklar tərəfindən cəlb olunan kredit xəttlərinə limit qoymur, lakin ilkin mərhələdə təminat həcmi 500 min avronu aşmaycaaq. KfW təminatının cəlb edilməsi zamanı banklar 1 borc alana 150 min avrodan çox kredit verə bilməyəcəklər.
