Qazaxıstan, Astana, 19 fevral / " müxbir K.Konırova / Gürcüstan öz şərabının Qazaxıstan bazarlarına tədarükündə maraqlıdır,- bu barədə Gürcüstanın kənd təsərrüfatı naziri Petre Tsiskaraşvili Trend ə eksklüziv müsahibəsində bəyan edib.
"Gələcəkdə şərablarımızın Qazaxıstana tədarükünü davam etdirmək niyyətindəyik", - nazir deyib.
Rusiya bazarına Gürcüstan şərablarının idxalına qoyulan qadağadan sonra, Gürcüstan əsas ixrac malı üçün digər ölkələrin bazarlarını daha fəal mənimsəməyə başlayıb.
"Biz Qazaxıstan bazarının analizini apardıq və gördük ki, bizim malın saxtalaşdırılması mövcuddur və bu bizim nüfuzumuza zərər gətirəcək. Biz elə şüşələr gördük ki, Gürcüstanda şərab tökmək üçün onlardan istifadə etmirlər", - Tsiskaraşvili deyib.
Nazirin dediyinə görə, saxtalaşdırma ilə mübarizə və müdafiə məqsədilə, yaxın zamanlarda coğrafi adların qarşılıqlı müdafiəsi haqqında ikitərəfli razılıq imzalanacaq. Bu da oxşar malların saxtalaşdırılmasına görə cəzanı sərtləşdirməyi nəzərdə tutur.
