Qazaxıstan, Astana, 19 fevral / " müxbir K.Konırova / Gürcüstandan Qazaxıstana sitrus bitkiləri və meyvə tədarükünü nizamlamaq üçün marşrutun logistikasını işləmək lazımdır, - bu barədə Gürcüstanın kənd təsərrüfatı naziri Petre Tsiskaraşvili Trend ə eksklüziv müsahibəsində bəyan edib.
"Hazırda tez xarab olan malın tədarükü üçün logistika çox çətindir. Sitrus bitkiləri və meyvələrin Qazaxıstan bazarına yolunda yarana biləcək bütün maneələri aradan qaldırmaq lazımdır. Söhbət yollarda - dəniz limanlarında və ya dəmir yolunda yaranan dayanmalardan gedir", - Gürcüstan naziri deyib.
Daha optimal olaraq, Bakıdan bərələrlə Xəzər vasitəsilə Qazaxıstanın Aktau limanınadək marşrutu görsənir, - Tsiskaraşvili deyib.
Nazirin sözlərinə görə, Astananın tərəvəz bazarının analizi göstərib ki, Qazaxıstan bazarı Gürcüstanın kənd təsərrüfatı istehsalçıları üçün kifayət qədər cəlb edicidir. Belə, Gürcüstan mandarinin 1 kq çeşidləşdirmə və Batumidə dəniz limanınadək daşınmasını hesaba almaqla $1 başa gəlir. Qazaxıstan paytaxtının bazarında isə hazırda o $5 dəyərindədir.
"Ötən il Gürcüstanda naringi məhsulu 100 min ton təşkil edib. Müntəzəm tədarükü təşkil etsək, bu məhsulun qiyməti enə bilər", - nazir deyib.
Tsiskaraşvilinin sözlərinə görə, Gürcüstandan bu il ilk 120 ton alma partiyası və 300 ton naringi partiyası göndərilib. Ötən il Gürcüstan prezidenti Mixail Saakaşvilinin Astanaya səfəri zamanı Qazaxıstana müntəzəm olaraq meyvə və sitrus bitkilərinin tədarükünü təşkil etmək razılığı əldə edilib.