Azərbaycan, Bakı, 25 fevral/ " müxbir İ.Xəlilova/ 2008-ci il ərzində Hövsan qəsəbəsində tikilən Azərabaycan-Qazaxıstan taxıl terminalının ehtiyatını 100 min tonadək artırmağı planlaşdırılır. Bu barədə Kənd Təsərrüfatı Nazirliyi Toxumçuluq və Bitkiçilik Baş İdarəsinin rəisi Sabir Vəliyev məlumat verib. Ötən il Qazaxıstandan 25 min ton taxıl gətirilib.
Gələcəkdə terminalın ehtiyatını istehsal gücünədək - 500 min tonadək artırmaq planlaşdırılır. Vəliyev bunun digər ölkələrdən taxıl idxalının azalmasına yardım edəcəyini qeyd edib. Bununla yanaşı, ölkənin taxıl məhsullarına olan tələbatının ödənilməsi üçün yerli istehsal artacaq.
Bu il respublikada taxıl istehsalının 2,5 mln. tonadək artması gözlənilir. Müvafiq olaraq, 700-800 min ton taxıl idxal ediləcək. Ötən il ölkəyə 1,411 min ton taxıl gətirilib.
"Biz əlavə ehtiyatlar yaratmışıq. Belə ki, bütün dünyada istehsalın azalması haqqında şayiələr yayılıb. Buna görə, bizim idxalçılar respublikaya mümkün olduğu qədər çox taxıl gətirməyə çalışıblar", - Vəliyev bildirib.
Bu il buğda əkinləri 130 min ha-dan 601 min ha-dək artıb.
"Bu, sahəyə olan marağın artması ilə əlaqədardır. Azərbaycan yerli istehsalçıların hesabına təlabatı ödəmək və idxalı azaltmaq arzusundadır ki, bu da artıq 2008-ci ildən müşahidə olunmağa başlayacaq", - nazirlik nümayəndəsi dəqiqləşdirib.
Ötən il yerli bazarda iki mln. ton taxıl istehsal edilib bunun 1,3 mln. tonu ərzaq taxılının payına düşüb. Ölkənin ərzaq kimi taxıla ehtiyacı ildə 1,5 mln. ton, ümumilikdə 3 mln. ton təşkil edir.
Gələcəkdə yerli taxılın tədarükünü Azərbaycan-Qazaxıstan terminalı vasitəsilə həyata keçirmək nəzərdə tutulub.
Taxıl terminalının tikintisi üçün Qazaxıstan tərəfindən "Prodkorporasiya" SC-nin iştirakı ilə "Bakı taxıl terminalı" yaradılıb. Layihənin maliyyələşdirilməsi bərabər şərtlərlə (50 faizin 50 faizə) və təqribən $10-20 mln. dəyərlə həyata keçirilib.
