Azərbaycan, Bakı, 19 mart/ " , müxbir İ.Xəlilova/ 2008-ci ildən Azərbaycanın İxracat və İnvestisiyaların Təşviqi Fonduna (AZPROMO) beynəlxalq yardım azalacaq və əməkdaşlıq Alman Texniki Yardım Cəmiyyəti (GTZ) və BMT İnkişaf Proqramı (UNDP)ilə davam etdiriləcək. Bu barədə AZPROMO-nun prezidenti Emil Məcidov məlumat verib.
UNDP ixracatın dəstəklənməsi layihəsini maliyyələşdirir, GTZ isə ixrac alyanslarının yaradılmasını dəstəkləyir.
Fondun ümumi büdcəsi 2008-ci ildə 900 min manat səviyyəsində təsdiqlənib. Bununla yanaşı, dövlət dotasiyaları hesabına fondun maliyyələşdirilməsinin 55-55 faizi, beynəlxalq maliyyə təşkilatlarının hesabına isə 10-15 faizi təmin ediləcək. Qalan hissə isə üzvlük haqlarının hesabına düşür. Bu il üzvlük haqlarının məbləğinə də yenidən baxılıb və məbləğ 2,5 min manatdan 4 min manatadək artırılıb. Bununla yanaşı, üzvlərin sayı 13-dən 107-dək artırılıb.
Məcidov üzvlük haqlarının ödənilməsinin əvvəlki kimi, fondun daimi üzvləri tərəfindən həyata keçiriləcəyini bildirib. Dövlət orqanları bu ödəmələrdən azad ediləcəklər.
Ötən il AZPROMO dünyanın 15 ölkəsində 50 beynəlxalq tədbir keçirib və bu tədbirlər çərçivəsində 60 mln. avro dəyərində müqavilələr imzalanıb.
Məqalə müəllifinin ünvanı: [email protected]
