Azərbaycan, Bakı,19 mart / Trend / Martın 31- də Tbilisi şəhərində Bakı-Tbilisi-Qars marşrutu üzrə dəmiryolu əlaqələrinin açılışı layihəsi üzrə ekspertlərin görüşü keçiriləcək. Bu barədə Azərbaycanın Nəqliyyat Nazirliyindən məlumat verilib.
Martın 11-də Ankarada layihənin TİƏ-ni hazırlayan, Türkiyənin "Yüksel Domonic Engineering Limited" şirkətinin və Gürcüstanın dəmiryolu nümayəndələrinin iştirakı ilə keçirilən son görüşündə Gürcüstan ərazisində tikiləcək Ahalkalaki dəmiryolu stansiyasının tikintisi məsələləri müzakirə olunub.
Müzakirələr əsnasında layihədən birinci mərhələ çərçivəsində zəruri olmayan obyekt və yolların, avadanlığın, lokomotiv alınmasının ya birdəfəlik ya da qismən çıxarılması qərarı qəbul olunub.Ahalkalaki stansiyasında təkər cütlərinin dəyişdirilməsi üçün park tikilməsi də müzakirə olunub.