Azərbaycan, Bakı, 12 aprel/ " , müxbir Ü.İsmayılova/ 2007-ci ilin yekunlarına görə, Azərbaycanın iri lizinq şirkəti "Joint Leasing"in portfeli təqribən 60 mln. manat təşkil edib. Bu barədə şənbə günü şirkətin baş direktoru Elçin Əhmədov məlumat verib.
"Biz işlədiyimiz iqtisadiyyat sektorlarının diversifikasiyası planında öz portfelimizi artırmaq niyyətindəyik", - o bildirib.
Əhmədovun sözlərinə görə, yaxın illərdə şirkətin planlarına xidmətlər şəbəkəsinin genişləndirilməsi daxildir, müştərilərə avtomobil və kommersiya daşınmaz əmlakının lizinqini təklif etmək planlaşdırılır.
"Joint Leasing" hazırda vəsaitlərin cəlb edilməsi üçün Azərbaycan bazarındakı beynəlxalq institutların ən fəal oyunçuları ilə danışıqlar aparır.
"Joint Leasing"in təsisçisi Azərbaycan Beynəlxalq Bankı və Britaniyanın "Dolphin Leasing" (52,3 faiz) şirkətidir. Şirkətin nizamnamə kapitaı 700 min manatdır. Lizinq əməliyyatları üzrə maksimal faiz dərəcəsi 19 faiz, əvvəlcədən ödəmələr 20-25 faiz səviyyəsində olmaqla müddət isə üç ildir.
Müəlliflə əlaqə saxlamaq üçün elektron ünvan: [email protected]
