...

Azərbaycanın hökumət nümayəndə heyəti Astanaya yola düşür

Biznes və iqtisadiyyat xəbərləri Materials 17 Aprel 2008 18:32 (UTC +04:00)

Azərbaycan, Bakı, 17 aprel/ " , müxbir İ.Xəlilova/ İqtisadi əməkdaşlıq üzrə Azərbaycan-Qazaxıstan hökumətlərarası komissiyasının IV iclasında iştirak etmək üçün iqtisadi inkişaf naziri Heydər Babayevin başçılıq etdiyi hökumət nümayəndə heyəti aprelin 22-də Astanaya yola düşəcək. Bu barədə cümə axşamı ölkənin Nazirlər Kabinetindən məlumat veriblər. İslas aprelin 23-nə təyin edilib.

Azərbaycan tərəfdən komissiyanın həmsədri iqtisadi inkişaf naziri Heydər Babayev, Qazaxıstan tərəfdən isə energetika və mineral ehtiyatlar naziri Baktıkoja İzmuhambetovdur.

Əvvəlki görüş 2007-ci il aprelin sonunda Bakıda keçirilib. Bundan əlavə, keçən dövr ərzində avqustda Azərbaycan prezidenti İlham Əliyevin Qazaxıstana səfəri, Babayevin başçılığı ilə Azərbaycanın nümayəndə heyətinin Astana və Aktauya səfəri və Manqistau vilayətinin qubernatoru Krımbek Kuşerbayevin başçılığı ilə Qazaxıstan nümayəndə heyətinin Bakıya səfəri baş tutub. AR-in Qazaxıstana olan borc öhdəliklərinin nizamlanması üçün ötən ilin iyulunda maliyyə naziri Samir Şərifov da Astanaya səfər edib. Müvafiq olaraq, hər iki tərəfi maraqlandıran məsələlərin müzakirəsi və həlli üçün imkanlar olub.

İclasın gündəliyinə ticari-iqtisadi inkişaf, YEK sahəsində, nəqliyyat və rabitə, aqrosənaye kompleksi, humanitar sahədə, borc öhdəliklərinin nizamlanması və huquqi-müqavilə bazasının vəziyyəti üzrə məsələlər daxil edilib.

Borc öhdəliklərinə görə, Azərbaycan tərəfi yalnız $8,5 mln. vəsaitin pullarla qaytarılmasına təkid edir, həm də bunun büdcə vəsaitləri hesabına həyata keçirilməsi nəzərdə tutulur. Borcun $8,4 mln. məbləğində qalan hissəi borc alan təsərrüfat subyektlərinin hesabına ödəniləcək. Bununla yanaşı, Özbəkistana olan borcla bağlı vəziyyətlə olduğu kimi, dövlət bu borcluların axtarışına dair öz üzərinə öhdəlik götürür.

Bundan əlavə Qazaxıstan tərəfi 1991-ci ildən NMR-də olan vaqonların (67 vaqon) 50 faizinin geri qaytarılmasını xahiş edir. Azərbaycan hökuməti bunu respublikanın vaqon parkı hesabına həyata keçirmək niyyətindədir.

Azərbaycan və Qazaxıstanın nəqliyyat idarələri, Aktau-Bakı dəmir yolu-bərə bölməsinin ikitərəfli yüklənməsinin təmin edilməsi haqqında prinsipial qərarın qəbul edilməsi məsələsinin nəzərdən keçirilməsini zəruri hesab edirlər. Ötən il Qazaxıstan Azərbaycanın Xəzər Dəniz Gəmiçiliyinə Bakı-Aktau-Bakı sahəsində dəmir yolu və bərə ilə vaqonlarının daşınma dəyərinin azaldılmasını təklif edib.

İclasda həmçinin Qazaxıstandan enerji ehtiyatlarının nəqli və qazax donanmasının enerji ehtiyatlarının Xəzər dənizi hövzəsi, sonra isə Batumi və ya Poti limanınadək nəqlində iştirakı haqqında diskussiyalar ola bilər. Bununla yanaşı, tariflərin müzakirəsi də həmçinin aktualdır. Hazırda Azərbaycan, Gürcüstan və Qazaxıstan tərəflərdən heç birinin digərindən çox gəlir əldə etməməsi üçün tariflərin sinxronlaşdırılması məsələsini müzakirə edirlər.

2008-ci ilin yanvar-fevralında Azərbaycan və Qazaxıstan arasında ümumi xarici ticarət dövriyyəsi $68243,8 min təşkil edib, Qazaxıstan mallarının idxalının payına $56908,9 min düşür. Azərbaycanın MDB ölkələri ilə ümumi ticarət dövriyyəsində ölkələr arasındakı ixrac-idxal əməliyyatlarının payı 12,7 faiz təşkil edir.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti