Azərbaycan, Bakı, 25 aprel / " , müxbir U.İsmayılova/ Azərbaycanın iri sığorta şirkəti olan "MBASK" cari ilin yanvar-mart ayları ərzində 4,7 mln. manat həcmində sığorta haqqı toplayıb. Bu göstərici 2007-ci ilin analoji dövrünün göstəricilərini 59 faiz və ya 2,8 mln. manat üstələyir.
Bununla yanaşı, cari ilin birinci rübündə sığorta haqlarının ümumi həcminin 70 (3,3 mln. manat) faizini avtomobil sığortası, 10 faizini (475,6 tıs. manat) əmlak sığortası, 9,8 faizini (458,9 tıs. manat) isə həyat sığortası təşkil edib.
Şirkətin sığorta ödəmələri 883,7 min manat ($ 1, 048 mln.) təşkil edib. Bu rekord göstərici ötən ilin analoji dövr nəticələrini 37 faiz və ya 330,3 min manat üstələyir.
Sığorta ödəmələrinin 639,1 min manatı ($758 081) avtomobil sığortası müqavilələri üzrə həyata keçirilib. Bu göstərici üzrə ikinci yeri 177,9 min manat ($21 995) təşkil edən xaricə gedən şəxslərin sığortalanması tutur. Bundan əlavə, sığorta ödəmələrinin 26,3 min manatı ($31 362) üçüncü şəxs qarşısında məsuliyyət, 21,2 min manatı ($ 25 144) icbari, 10,3 min manatı ($12 407) bədbəxt hadisələr və digər sığortaların payına düşüb.
Müqavilə üzrə ödəmələrin alınması üzrə orta davamlılıq hadisə sığortasına dair bildirişin verilməsi anından iki həftə təşkil edib. Əgər dəyən ziyanın məbləği cüzi miqdardadırsa, bu müddət bir neçə günə qədər azaldılıb.
Cari ilin birinci rübündə şirkətin bir sığorta üzrə ən iri ödəməsi avtomobilsığortası üzrə müqavilə çərçivəsində həyata keçirilib və 36,4 min manat təşkil edib.
Azərbaycanın sığorta bazarında1992-ci ildən fəaliyyət göstərən "MBASK" şirkəti sığortanın 29 növü üzrə xidmət göstərir ki, bunun da dördü icbaridir. Şirkətin nizamnamə kapitalı 2 mln. manat təşkil edir. "MBASK" səhmlərinin 30 faizi 2005-ci ilin yanvar ayından Avropa Yenidənqurma və İnkişaf Bankına məxsusdur.
Müəlliflə əlaqə saxlamaq üçün elektron ünvan : [email protected]
