Azərbaycan, Gəncə, 13 may / " müxbir U.İsmayılova, V.Məmmədov/ Son iki ayda Gəncə şəhərində daşınmaz əmlakın qiymətləri 30 faiz artıb. Bu barədə Trend ın bölgə müxbirinə çərşənbə axşamı şəhərdə daşınmaz əmlakın satışı üzrə mütəxəssislər bildiriblər.
"Mənzillər, əsasən, şəhərin mərkəzi hissəsində bahalaşıb, lakin bazarın fəallığı olduqca zəifdir", - deyə rieltorlar bildiriblər.
Yerli rieltorların sözlərinə görə, şəhər ətrafındakı birotaqlı mənzillərə böyük təlabat müşahidə olunur. Çünki burada qiymətlər aşağıdır; 32 mindən 38 min manatadək. İki ay bundan öncə bu mənzillərin qiyməti 28 -32 min manat təşkil edirdi. Bakıda aprel ayında birotaqlı mənzilin qiyməti 66,2 min manat təşki edib.
Gəncənin mərkəzindəki ikiotaqlı mənzillər 38-50 min manatdan 45-60 min manata qədər bahalaşıb. Bakıda aprel ayında iki otaqlı mənzillərin qiyməti 111,3 min manat təşkil edib.
Gəncədəki yeni tikililərin bir kvadrat metrinin qiyməti, orta hesabla, 800 manatdan 1,2 min manatadır. "Burada evlərin əksəriyyətinin hələ tikilib başa çatdırılmaması səbəbindən, qiymətlərdə stabillik müşahidə olunur", - deyə rieltorlar bildirib. Bakıda aprel ayında yeni tikililərin bir kvadrat metrinin qiyməti min dollardan 1,3 min dollara qədər təşkil edib.
Gəncədə ən cüzi artım şəxsi evlərdə - təxminən 15 faiz qədərində müşahidə olunub. Rieltorlar bu stabilliyi təlabatın azalması ilə izah edirlər. Gəncədə ən uzuc şəxsi ev 35 mindən 6 min manata qədər, ən bahalı ev isə, 75 -120 min manata qədərdir.
Bakıda şəxsi evlərin aprel ayında qiymətləri mart ayına nisbətdə, orta hesabla , 1 faiz artraq 236177 dollaradək artıb.
Müəlliflə əlaqə saxlamaq üçün elektron ünvan : [email protected]
