Azərbaycan, Bakı, 22 may/ Trend müxbir Ü.İsmayılova/ Azərbaycanın Azad İstehlakçılar Birliyi Avropa İttifaqının dəstəyi ilə Muğan rayon bələdiyyəsində istehlakçıların hüquqlarının müdafiəsi üzrə məsləhətçi mərkəzlər yaradacaq. Bu barədə çərşənbə günü birliyin rəhbəri Eyyub Hüseynov məlumat verib.
"Məsləhətçi mərkəzlər birliyin, Avropa Komissiyasının maliyyələşdirməsi ilə layihələr reallaşdıran Beynəlxalq İstehlakçılar Təşkilatı - Consumers International-la birgə proqramı çərçivəsində yaradılacaqlar", - Hüseynov bildirib.
Layihənin əsas məqsədi Muğan rayonuna daxil olan beş rayonda bələdiyyələrdə region istehlakçılarının vəziyyəti haqqında elektron məlumat bazasının yaradılmasına imkan yaradacaq məsləhətçi mərkəzlərin yaradılmasıdır.
Hüseynovun sözlərinə görə, Avropa İttifaqı Consumers International ilə 2 il müddətinə 200 min avro dəyərində layihənin reallaşdırılması haqqında layihənin birinci mərhələsini təsdiqləyib.
Hüseynov bildirib ki, Muğan rayonunda layihənin reallaşdırılmasından sonra, analoji mərkəzlər ölkənin digər bələdiyyələrində də yaradılacaq.
Azəbaycanın Azad İstehlakçılar Birliyi QHT 1997-ci ildən fəaliyyət göstərir və Ümumdünya Ərzaq Təşkilatının üzvüdür.
Müəlliflə əlaqə saxlamaq üçün elektron ünvan: [email protected]
