...

Azərbaycanda ilk beynəlxalq regional biznes konfransının keçirilmə vaxtı müəyyən olunub

Biznes və iqtisadiyyat xəbərləri Materials 22 May 2008 21:58 (UTC +04:00)

Azərbaycan, Bakı, 22 may / Trend , müxbir İ.Xəlilova/ Azərbaycanda ilk Beynəlxalq Regional Biznes konfransı mayın 27-də Şamaxıda keçiriləcək.

Konfransın təşkilatçısı olan Türkiyənin "Evsen-Qrup" şirkətinin prezidenti Ali Evsen cümə axşamı Şamaxıda keçirilən mətbuat konfransında bildirib ki, tədbirdə 30 ölkənin (Rusiya, Qazaxıstan, Özbəkistan, Türkiyə, İran, Gürcüstan, Ukrayna, BƏƏ, Çin və digər ölkələr) nümayəndələri iştirak edəcək.

Evsenin sözlərinə görə, Şamaxıda biznes konfransının keçirilməsi gələcəkdə bu tipli tədbirlərin təşkil olunmasına zəmin yaradacaq. Xüsusilə 2009-cu ildə dünya təcrübəsində qəbul olunduğu kimi biznes konfransınin sərgi ilə birgə keçirilməsi planlaşdırılır. Bu isə Azərbaycan məhsularının beynəlxalq bazarlara çıxarılması imkanlarını təmin edəcək.

"Bu, digər ölkələrdəki istehsalçı, idxalçı və istehlakçılar arasında əlaqəni yaxşılaşdıracaq", - deyə Evsen bildirib.

Azərbaycan İxrac və İnvestisiya Təşviqi Fondunun prezidenti (AZPROMO) Emil Məcidov qeyd edib ki, ilk Beynəlxalq Regional investisiya konfransının Şamaxıda təşkil olunması böyük nəaliyyətdir. "Beş il əvvəl bu mümkün deyildi", - deyə o vurğulayıb.

Bu təşəbbüs ilk olaraq "Evsen-Qrup"-dan gəlib. Gələcəkdə ölkənin digər regionlarında biznes konfranslarının təşkil olunması istisna olunmur. Bu,onların infrastrukturlarının inkişafından asılıdır.

İqtisadi İnkişaf Nazirliyi və AZPROMO "Evsen-Qrup"-a təşkilati dəstək göstərir.

Müəlliflə əlaqə saxlamaq üçün elektron ünvan - [email protected]

Xəbər lenti

Xəbər lenti