Azərbaycan, Bakı, 29 may / " müxbir U.İsmayılova/ GUAM-a üzv ölkələrdə azad ticarət zonalarının fəaliyyət göstərməsi 2012-ci ilədək mal dövriyyəsi səviyyəsinin 10 mlrd. dollar məbləğində proqnozlaşdırılmasına imkan verir. Bu barədə cümə axşamı Bakıda keçirilən "GUAM-ın inkişaf strategiyası" beynəlxalq konfransında təşkilatın iqtisadi məsələlər üzrə koordinatoru Səbuhi Temirov bildirib.
"Cari ilin sonunadək GUAM-a üzv ölkələr arasında mal dövriyyəsinin səviyyəsi 8 mlrd. dollaradək artacaq", - deyə Temirov bildirib.
GUAM-ın iştirakçı dövlətləri arasında azad ticarət zonalarının yaradılmasına dair saziş 2002-ci il iyulun 20-də Yaltada imzalanıb.
Temirov bildirib ki, GUAM ölkələri arasında mal dövriyyəsi 2005-ci ildə1,5 mlrd. dollar, 2006-cı ildə 2,1 mlrd. dollar, 2007-ci ildə isə 3,2 mlrd. dollar təşkil edib.
GUAM ölkələrində azad ticarət zonalarının yaradılmasında əsas məqsəd mal və xidmətlərin azad hərəkəti üçün məneələri aradan qaldırmaq, gömrük rüsumları, vergi və onlarla ekvivalent təşkil edən yığımların, o cümlədən qarşılıqlı ticarətdə say məhdudiyyətlərinin ləğvi, iqtisadiyyat sahələrində ticari-iqtisadi siyasətin aparılmasında, düzgün rəqabətin inkişafında əməkdaşlığın qarşılıqlı hesablamalar üzrə səmərəli sisteminin yaradılması və inkişafından ibarədir.
Temirov həmçinin təşkilata üzv ölkələrin iqtisadi münasibətlərinin yaxşalışdırılmasına təsir edən GUAM-ın ticarət və nəqlə yardım üzrə layihəsini qeyd edib. Layihənin əsas məqsədlərindən biri təşkil edilmiş infrastrukturu təmin edən marşrutun hazırlanmasından ibarətdir. Bu, sadələşdirilmiş sərhəd və gömrük prosedurları vasitəsilə ticarəti təmin edə bilər.
Temirovun sözlərinə göorə, bu prqramın hazırlanması zamanı əsas problem GUAM ölkələrinin sərhəd və gömrük idarələrinin səmərəli fəaliyyəti üçün zəruri olan qəbul edilmiş beynəlxalq standartlara müvafiq olaraq harmonizasiya edilmiş qanunvericiliyin olmaması olub.
O, problemlər arsında həmçinin sərhəd boyu və gömrük nəzarətinin daha səmərəli aparılması üçün lazım olan infrastrukturun kifayət qədər inkişaf etməməsini, buraxılış məntəqələrinin texniki cəhəhətdən kifayət qədər təchiz edilməməsini, kommunikasiya vasitələrinin çatışmazlığını, təlim müəssisələrinin texniki cəhətdən kifayət qədər təmin edilməməsini, müasir təlim proqramlarının olmamasını qeyd edib.
Məqalə müəllifi ilə ləqə ünvanı: capital
