Azərbaycan, Bakı, 03 iyun/ Trend , müxbir E.İsmayılov/Azərbaycanın Dövlət Gömrük Komitəsi (DGK) Nazirlər Kabinetinə ölkənin gömrük-buraxılış məntəqələrində "vahid pəncərə" prinsipinin tətbiqinə dair layihə təqdim edib. Layihədə bir sıra tədbirlərin həyata keçirilməsi nəzərdə tutulub. Dünya təcrübəsinə müvafiq olaraq, Gömrük Komitəsinin sərhəd vasitəsilə yük yerdəyişmələrinin vahid koordinasiya edən qeydiyyat orqanı olacağı istisna deyil.
Azərbaycanda biznesin qeydiyyatına dair "vahid pəncərə" prinsipi artıq tətbiq olunur. Bu prinsip 2008-ci il yanvarın 1-dən Vergilər Nazirliyi tərəfindən aparılır.
Hazırda yük sərhəd məntəqəsindən keçərkən 5-6 dövlət orqanının - DGK, DİN, Səhiyyə Nazirliyi, Metrologiya, Standartlaşdırma və Patent üzrə Dövlət Agentliyinin və s. yoxlamasından keçir. Əliyev "vahid pəncərə"nin tətbiqindən sonra sənədlərin sayını və qeydiyyat dövrünü bildirməkdə çətinlik çəkib.
"Hansısa limitləri müəyyən etmək çətindir. Belə ki, bəzən elə hallar olur ki, bəzi sənədlərlə bir həftədən çox işləmək lazım olur, - Əliyev bildirib. Səndələrin doğruluğunun təsdiq edilməsi üçün hər hansı bir ölkəyə adi müraciət onların hər birində müxtəlif dövr ərzində həyata keçirilir - üç gün, ola bilər ki, üç il".
Onun rəyinə görə, sənədlər düzgün olduğu zaman malların qeydiyyat dövrü bir neçə dəqiqə vaxt apara bilər.
Hazırda Dövlət Gömrük Komitəsi gömrük orqanlarının fəaliyyətinin yoxlanılması üçün sərhəd məntəqələri üzrə xronometraj, həmçinin, yüklər sərhəddən keçirilərkən onların qarşılaşdığı problemlərin aşkar edilməsi üçün monitorinq aparır.
"Gömrük orqanları hökumətə təkliflər vermək üçün dövri olaraq belə analitik iş aparırlar", - DGK-nin rəhbəri bildirib.
Müəlliflə əlaqə saxlamaq üçün elektron ünvan: [email protected]
