Azərbaycan, Bakı, 11 iyun/ Trend , müxbir İ.Xəlilova/ Azərbaycanın Maliyyə Nazirliyi əlavə dəyər vergisinin hesablanması sisteminin dəyişdirilməsini təklif edir. Yeni sistem 2009-cu il iyulun 1-dən tətbiq oluna bilər. Bu barədə maliyyə nazirinin müavini Azər Bayramov məlumat verib.
"Bu dəyişikliklər 2010-cu ildən ƏDV dərəcəsinin azaldılması ilə paralel olaraq tətbiq oluna bilər. Biz artıq bununla əlaqədar müxtəlif təşkilatlar, konsaltinq, audit şirkətlərindən təkliflərin toplanmasına başlamışıq", - Bayramov dəqiqləşdirib.
Onun rəyinə görə, sistemi artıq dəyişmək lazımdır. O, hələ ki, dövlət büdcəsinin gəlir hissəsində öz əksini tapmasa da, qeyri-neft sektorunun inkişaf etməsi ilə əlaqədar artıq beş ildən sonra ciddi problemlər yarana bilər. Qazaxıstan, Gürcüstan və Türkmənistanla iqtisadi əlaqələrin fəallaşmasını nəzərə almaqla, vergi tərkibinin nəzərə- çarpacaq istiqamət olduğu normal biznes-mühitin yaradılması çox vacibdir.
Biznesin "vahid pəncərə" sistemi üzrə qeydiyyatında keçid, həmçinin, vergi bəyannamələrinin İnternetlə qəbulu böyük addım olub.
Azərbaycan hökuməti 2009-cu il üçün büdcə paketi çərçivəsində, Vergi Məcəlləsinə dəyişiklik və əlavələrin edilməsindən imtina edərək, kompleks yanaşma üçün onları 2010-cu ilə hazırlamağı məqsədəuyğun hesab edib. Buna baxmayaraq, Vergi Məcəlləsinə dair təkliflər hazırlanıb və Azərbaycan hökuməti bu təkliflərin birinci yarımildə qəbul edilməsi üçün layihəni mayın 15-dək parlamentə təqdim etmək niyyətində olub. İlk dəfə olaraq, vergi qanunvericiliyinə dəyişikliklər dövlət büdcəsindən ayrı qəbul ediləcək. Bu, büdcə proqnozlarının nəzərdən keçirilməsi və təsdiqi prosesini asanlaşdırıb, həmçinin, vergi ödəyicilərinə qanunvericilikdəki dəyişikliklərlə vaxtında tanış olmaq imkanı verib.
Təkliflərə əsasən, növbəti ildə vergi inzibatçılığının təkmilləşdirilməsi ilə yanaşı, mənfəət vergisi və ƏDV dərəcəsinə yenidən baxmaq planlaşdırılırdı. Mənfəət vergisi üzrə dərəcənin hazırki 22 faizdən 20 faizədək, ƏDV üzrə isə 18 faizdən 17 faizədək azaldılması təklif edilirdi.
Müəlliflə əlaqə saxlamaq üçün elektron ünvan: [email protected]
