...

Azərbaycanın şəxsi vaxt etalonu olacaq – Standartlaşdırma Agentliyinin rəhbəri

Biznes və iqtisadiyyat xəbərləri Materials 20 İyun 2008 16:16 (UTC +04:00)

Azərbaycan, Bakı, 20 iyun/ Trend , müxbir S.Babayeva/ 2009-cu ilin birinci yarısından Azərbaycanın şəxsi vaxt etalonu olacaq. Bu barədə cümə günü Azərbaycanın Standartlaşdırma, Metrologiya və Patent üzrə Dövlət Agentliyinin rəhbəri Ramiz Həsənov məlumat verib.

"Bu, müstəqil ölkə üçün çox vacibdir və bizim bununlabağlı problemlərimiz var", - agentlik rəhbəri hesab edir.

Vaxt etalonu başlanğıc qismində təsdiq edilmiş zaman vahidinin əks etdirilməsi, saxlanılması və ötürülməsinə xidmət edən ölçü cihazıdır. Beynəlxalq vaxt etalonu kimi saniyə qəbul olunub. Kütlə, uzunluq və digər etalonlardan fərqli olaraq, zaman etalonunu cihazlar olmadan "duymaq" və nəzarət etmək mümkün deyil. Buna görə də zaman etalonu, adətən, yüksək çətinlikli cihazlardır.

Həsənovun sözlərinə görə, etalon Avropa İttifaqının qrant vəsaitləri hesabına alınacaq.

Beynəlxlq ekspertlərin qiymətləndirmələrinə əsasən, 3 il ərzində Azərbaycanda Etalon Mərkəzinin yaradılması üçün təqribən 15 mln. avro tələb olunur.

Ümumilikdə doqquz etalon alınıb. Dəyəri təqribən $400 min olan bu etalonlar təzyiq və yükün ölçülməsi üçün nəzərdə tutulub. Bu il bu məqsədlər üçün 200 min manat ayrılacaq.

Həsənov bildirib ki, 2009-cu ildə Agentliyin planlarına vaxt və hərarət etalonlarının alınması daxildir.

Dövlət Agentliyində hesab edirlər ki, Azərbaycanda "etalonların tətbiqi və belə mərkəzin yaradılması fövqəladə şəkildə zəruridir". Belə ki, Azərbaycanda əlverişli investisiya iqlimi xarici investisiya şirkətlərinin sayının artmasına xidmət edir. Bu şirkətlər ölçü vasitələrinin texniki tələblərinin müvafiq olub -olmadığının müəyyən edilməsi üçün xarici ölkələrə müraciət edirlər;bunun üçün, nə Azərbaycan, nə də qonşu ölkələrdə dövlət ölçü vahidləri (etalonlar) yoxdur. Bütün bunlar iri valyutanın Azərbaycan bazarından xaricə axmasına gətirir.

"Yerli şirkətlər xarici ölkələrdə bu xidmətlərə böyük məbləğdə pul sərf edirlər. Belə Mərkəzin yaradılmasından sonra onların qiyməti 10 dəfə azalacaq", - Dövlət Agentliyində hesab edirlər.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti