Azərbaycan, Bakı, 15 iyul/ Trend /Azərbaycan prezidenti İlham Əliyev "Azərbaycanın Hüquq Pozuntuları Məcəlləsi"nə əlavə və dəyişikliklər edilməsi haqqında sərəncam imzalayıb, rəsmi mətbuatda bildirilir.
Dəyişikliklərə əsasən, dövlət mülkiyyətini qanundan kənar icarəyə verən vəzifəli şəxslər 3,5 min manatdan 5 min manatadək cərimə ödəyəcəklər.
Vəzifəli şəxslər müvafiq icra orqanlarından icazəsiz əsas vəsaitləri hesabdan sildiyi və balansdan balansa verdiyi halda cərimə 3,5 min manatdan 5 min manatədək məbləğdə müəyyənləşib.
Mülkiyyətin hesabat qaydalarının pozulması zamanı vəzifəli şəxs 0,7 min manatdan 1 min manatədək cərimələnəcək. Dövlət mülkiyyətinin mühafizə qaydaları pozulduğu halda 0,7 min manatdan 1 min mantadək cərimə müəyyənləşib.
Azərbaycan Nazirlər Kabinetinə bir ay ərzində bu sərəncamdan irəli gələn məsələləri həll etmək tapşırılıb.
