Azərbaycan, Bakı, 18 iyul/ Trend , müxbir İ.Xəlilova/ Avropa İttifaqı və Azərbaycan arasında Tərəfdaşlıq və Əməkdaşlıq haqqında Sazişin reallaşdırılmasının dəstəklənməsi layihəsinin giriş fazasının başa çatması ilə əlaqədar, iyulun sonunda layihə qrupu idarə heyətinin iclasını keçirmək planlaşdırılır. Bu barədə cümə günü Aİ-nin Azərbaycana Texniki Yardım Proqramlarının (Tacis) koordinasiya bürosunun icraçı direktoru Rüfət Məmmədov məlumat verib.
İclasda hesabat və Azərbaycan Qanunvericiliyinin Avropa standartlarına yaxınlaşdırılmasına yardımın istiqamətlər müzakirə olunacaq. Layihənin giriş fazasının müddəti dörd aydır. Layihə üzrə məsələhət xidmətləri Yunanıstanın European Profiles firmasının başçılıq etdiyi konsorsium tərəfindən göstəriləcək. European Profiles ilə müqavilə iki il müddətinə bağlanılıb. PCA layihəsinin büdcəsi 3 mln. avrodur.
Məmmədovun sözlərinə görə, məsləhətçi PCA-da nəzərdə tutulan 17 sahədə qanunvericiliyin yaxınlaşdırılmasında yardım göstərəcək, lakin əsas diqqət altı sahəyə yönəldiləcək. Fəaliyyət planının approksimasiyası, dövlət strukturuları və ictimaiyyətin Avropa İttifaqı haqqında, Aİ-də gedən proseslər və Azərbaycanla Aİ arasında qarşılıqlı münasibətlər haqqında məlumatlandırılmasında da xidmət göstəriləcək. Məmmədov bildirib ki, bu layihə çərçivəsində, həmçinin, koordinasiya bürosunun fəaliyyəti dəstəklənəcək.
PCA-nın reallaşdırılmasının dəstəklənməsi 2006 -cı maliyyə ili üçün Azərbaycan üzrə Tacis Milli Fəaliyyət Planı çərçivəsində həyata keçirilir. Fəaliyyət Planı 2006 -cı il iyunun 15-də Avropa Komissiyası tərəfindən təsdiqlənib. Azərbaycan və Aİ arasında maliyyə memorandumu ötən il imzalanıb. Aİ-nin Azərbaycan üçün 2006-cı il büdcəsi 19 mln. avro olub.
İyulun 18 -nə olan cari məzənnə -- 0,8058 AZN/USD.
Müəlliflə əlaqə saxlamaq üçün elektron ünvan: [email protected]
