Azərbaycan, Bakı, 22 iyul/ Trend , müxbir İ.Xəlilova/ Azərbaycanda hazırlanan "Pulların yuyulmasının qarşısının alınması haqqında" qanun layihəsi onu çirkli pulların yuyulması və terrorizmin maliyyələşdirilməsi ilə mübarizə aparmağa imkan verən vahid və mükəmməl sənədə çevriməyə qadir bütün elementləri özündə əks etdirmir. Bu barədə çərşənbə axşamı ABŞ -ın AR-dakı səfiri Enn Dersi çirkli pulların yuyulması və terrorizmin maliyyələşdirilməsinin qarşısının alınmasına dair Bakıda keçirilən seminarda bildirib. Tədbir Azərbaycan hökumətinin Korrupsiya ilə mübarizə üzrə Dövlət Komissiyası və ABŞ -ın Beynəlxalq İnkişaf Agentliyinin (USAİD) dəstəyi ilə ABŞ Ədliyyə Nazirliyi və Avropa Şurası tərəfindən təşkil olunub.
Qanun layihəsinin beynəlxalq standartlara tam cavab verməsi üçün onun müəyyən hissələrinə yenidən baxmaq lazımdır. Xüsusilə də bu, şübhəli əməliyyatlar üzrə hesabatlılığa, dövlətlərarası pul dövriyyəsi üzrə hesabatlılığa, həmçinin, hesabat qanunlarının gücləndirilməsi çərçivəsində maliyyə və biznes-öhdəliklərə toxunur.
Azərbaycanda çirkli pulların yuyulması cinayət olsa da, prokuroqluq orqanlarına işləri OECD-in maliyyə tədbirlərinin hazırlanması üzrə işçi qrupunun (FATF) tövsiyə etdiyi müvafiq qaydada aparmağa imkan verən hüquqi və maliyyə rejimi tətbiq olunmur. Diplomatın rəyinə görə, qanun layihəsinin əsas məqsədi, ilk növbədə, bu çatışmazlığın aradan qaldırılması olmalıdır.
"Bu qanun layihəsinin hazırlanması üçün ABŞ hökuməti antikorrupsiya komissiyasının gücləndirilməsini dəstəkləyir və AŞ və ABŞ ekspertlərinin tövsiyələri qanun layihəsinin ilkin variantında öz əksini tapıb", - səfir bildirib.
İşçi qrupunun tövsiyələrini (çirkli pulların yuyulmasına dair 40, terroizmin maliyyələşdirilməsinə dair 9 tövsiyyə) yerinə yetirməyən ölkələr "əməkdaşlıq etməyən ərazi və dövlətlər" siyahısına daxil edilir. FATF onlara qarşı sanksiyalar tətbiq edir.
Azərbaycan 2003-cü ilin sonunda Moneyval-ın (Avrop Şurasının "çirkli" pulların yuyulması üzrə ekspert qrupu) yeni təlimatlarına əsasən, qiymətləndirmədən keçən birinci ölkə olub. Bu il Moneyval-ın ekspertləri qiymətləndirmənin ikinci raundunu aparıblar.
İyulun 22-nə olan cari məzənnə -- 0,8048 AZN/USD.
Müəlliflə əlaqə saxlamaq üçün elektron ünvan: [email protected]
