Azərbaycan, Bakı, 30 iyul/ Trend , müxbir Ü.İsmayılova/ Azərbaycanın ən iri özəl bankı - Bank Standard şəxsi ipoteka proqramları üzrə faiz dərəcələrini azaltmaq niyyətində deyil. Bu barədə çərşənbə günü mətbuat konfransında Bankın İdarə Heyəti sədrinin birinci müavini Cavid Quliyev məlumat verib.
"Şəxsi ipoteka proqramları üzrə faiz dərəcələrinin azaldılmasına həm dünya ipoteka krediti, həm də yerli maliyyə bazarında yüksək depozit dərəcələri mane olur", - Quliyev söyləyib.
Bank Standardın şəxsi ipoteka kreditləşməsi proqramı var - "Mənzilim", "Yeni bina" və "Gənc ailə". Bu proqramlar 16 faizdən 18 faizədək daha rəqabətqabiliyyətli faiz dərəcələrinə malikdirlər. İlin əvvəlindən bankın ipoteka portfeli 20 faiz, 2007- ci ilin analoji dövrünə nisbətdə 49 faiz - 12,8 mln. manatadək artıb.
Ölkədə ipoteka kreditləşməsi AİF-in standartları üzrə 2006 - cı il martın 25 - də başlayıb. Fevralın 7- dən sosial ipotekanın verilməsinə başlanılıb. İpoteka kreditlərinə tələbat büdcə ayırmalarını ötüb və iyunun ortalarından AİF öz standartları üzrə ipoteka maliyyələşdirməsini dayandırıb. Fond 2005 -2007- ci illərdə dövlət büdcəsindən 46 mln. manat alıb və 2008 - ci ildə daha 34 mln. manat alacaq. Bu vəsaitin 10 mln. manat həcmində ilk tranşı artıq Fondun əvvəllər verdiyi kreditlərin təkrar maliyyələşdirilməsinə ayrılıb. AİF standartları üzrə kredit portfelinin həcmi 67,8 mln. manat təşkil edir. Bankların ümumi ipoteka portfelinin həcmi isə, 250-300 mln. manatdır.
Kreditlər üzrə faiz dərəcələri (AİF standartları üzrə) kommersiya banklarında 8 faizdən 18-20 faizədək, müddət 10 ildən 25 ilədək dəyişir.
Hazırda dünya maliyyə bazarları likvidlik böhranı yaşayır. Amerika və Avropa bankları ipoteka kreditləşməsi ilə bağlı yeni itkilər barədə məlumat açıqlayıblar ki, bu da sərmayədarları ehtiyatlı olmağa vadar edir. Buna baxmayaraq, Azərbaycanın bank sisteminin özünəməxsus xüsusiyyətləri var - anderraytinqə tələblər daha sərt və dəqiqdir. Bu tələblər qanunvericiliklə möhkəmləndirilib ki, bu da sərmayədarlara maliyyə alətlərini qiymətləndirməyə və bununla da, əlavə məlumat almağa imkan verir. Bundan əlavə, Azərbaycanda ipoteka kreditləşməsi bazarı hələ formalaşma və təşəkkül mərhələsindədir. Ölkədə verilmiş ipoteka kreditlərinin həcmi həm yerli, həm də xarici bazarlardan borlcar cəlb etməyə imkan verir.
Birinci yarımilin yekunları üzrə Bank Standard-ın aktivləri 15 faiz - 712,3 mln. manatadək artıb, bankın kredit portfeli 439,1 mln. manat (ilin əvvəlindən doqquz faiz artım), depozit portfeli - 108,3 mln. manat, müştəri hesabatı - 250,9 mln. manat təşkil edib. Yanvar-iyun ərzində bankın gəliri 8,7 mln. manat olub.
Altı ayın yekunlarına əsasən, bankın ümumi kapitalı özəl bank sektorunda ilk dəfə olaraq 100 mln. manatı ötüb.
Bu dövrdə Azərbaycanda özəl sektor şirkətlərinin ticari-maliyyə əməliyyatlarının reallaşdırılması məqsədilə, Qara dəniz Ticarət və İnkişaf Bankından (QTİB) $8 mln. məbləğində kredit xətti cəlb edilib.
Müəlliflə əlaqə saxlamaq üçün elektron ünvan: [email protected]