Azərbaycan, Bakı, 02 avqust / Trend , müxbir İ.Xəlilova/ Cari ilin birinci yarısında mənfəətlə işləyən bankların sayı 35-dən 37-dək artıb. Ötən ilin analoji dövründə isə onların sayı bir vahid az idi. Bu barədə şənbə günü Azərbaycan Milli Bankından bildiriblər.
Ötən ilin 1 iyuluna nisbətdə 73,2 faiz artan bank sisteminin ümumi mənfəəti 117,06 mln. manat təşkil edib.
Zərərlə işləyən bankların sayı ilin əvvəlinə nisbətdə iki dəfə azalıb və ötən ilin 1 iyuluna nisbətdə isə 1 dəfə artıb. Nəticədə səkkiz bankın zərəri 16,59 mln. manat təşkil edib ki, bu da ötən ilin birinci yarısının yekunları üzrə göstəricilərdən 2,5 dəfə, 2008-ci ilin əvvəlinə nisbətdə isə 2,7 dəfə çoxdur.
Bank fəaliyyətlərinin maliyyə nəticələri (Vergilər ödəndikdən sonra) mln. manatla:
| Dövrlər | Mənfəətlə işləyən bankların sayı | Bank sisteminin ümumi mənfəəti (Mənfəət bankları üzrə) | Zərərlə işləyən bankların sayı | Bank sisteminin ümumi zərəri (Zərərli banklar üzrə) | Bankların əldə etdiyi yekun mənfəət (+) və ya zərər (-) |
| 01-07-2006 | 37 | 35,04 | 6 | 1,61 | 33,43 |
| 01-07-2007 | 36 | 67,58 | 7 | 6,65 | 60,93 |
| 01-07-2008 | 37 | 117,06 | 8 | 16,59 | 100,47 |
Avqustun 2-ə olan rəsmi məzənnə 0,8093 AZN/USD təşkil edib.
Məqalə müəllifi ilə əlaqə ünvanı: [email protected]