Azərbaycan, Bakı, 13 avqust/ Trend , müxbir İ.Xəlilova/ Azərbaycanın dəmir yolu təsərrüfatının təkmilləşdirilməsi Dövlət Proqramı sonuncu razılaşdırma mərhələsindədir və yaxın günlərdə imzalanacaq. Bu barədə çərşənbə günü Azərbaycanın Nəqliyyat Nazirliyinin Nəqliyyat Siyasəti və İqtisadiyyat Şöbəsinin direktoru Sədrəddin Məmmədov məlumat verib.
"Bu günlərdə aparat adminstrasiyası ilə aparılan məsləhətləşmələr zamanı Proqramını dövlət başçısının imzalayacağı formata daxil olduğu elan edilib", - Məmmədov dəqiqləşdirib.
Proqram 2009-2012-ci illərə nəzərdə tutulub, lakin bir sıra tədbirlərin icrasına artıq bu ildən başlanılıb. Nazirlik nümayəndəsi əsas işlərin 2009 -2010 - cu illərə nəzərdə tutulduğunu bildirib.
Nəqliyyat Nazirliyi ölkənin dəmir yolu təsərrüfatının maliyyələşdirilməsi üçün kredit ehtiyatları cəlb edilə biləcək beynəlxalq maliyyə təşkilatlarının ilkin siyahısını müəyyən edib. Seçim Dünya Bankı, Asiya İnkişaf Bankı və Avropa İnvestisiya Bankı (EİB) ilə birlikdə, sindikatlaşdırılmış kreditlə çıxış edəcək Avropa Yenidənqurma və İnkişaf Bankının üzərində dayanıb.
Azərbaycan hökuməti ilkin mərhələdə artıq DB ilə razılığa gəlib. Bankdan Niyyət protokolu əsasında $450 mln.- dək (Azərbaycanın layihədə iştirak payı $673,8 mln. qiymətləndirilib) cəlb edilə bilər. Dəmir yollarının inkişafı Dövlət Proqramının ümumi dəyəri $1,4 mlrd. təşkil edir. DB - nin Direktorlar Şurasında təqdim ediləcək kredit təqdir edilsə də, kredit sazişi ölkə prezidenti Dövlət Proqramını təsdiq etdikdən sonra imzalanacaq.
Məmmədov tikinti materiallarının qiymət artımı ilə əlaqədar, Dövlət Proqramının bahalaşacağını istisna etməyib.
Proqram təsdiqləndikdən sonra dəmir yolunun təkmlləşdirilməsi üçün xarici kreditlərin ümumi həcmi müəyyən ediləcək; Dövlət Proqramında dövlət büdcəsi və ADDY-nin şəxsi ehtiyatları digər maliyyələşdirmə mənbələri kimi göstərilib.
Avropa bankı EİB ilə birlikdə $500 mln. ayırmağa hazır olduğunu bildirib. Adətən, layihələrin birgə maliyyələşdirilməsi zamanı tərəflərinin hər birinin iştirakı 50 faizin 50 faizə nisbətində olur. Bununla yanaşı, birləşdirilmiş kreditin şərtləri sadələşdirilir. EİB-in şərtlərinə əsasən, kreditlər libor+0,5 faiz, Avropa Bankının şərtlərinə görə isə, libor+1 faiz dərəcə üzrə verilir.
Asiya İnkişaf Bankı (AİB) dəmir yolu infrastrukturunun təkmilləşdirilməsinə $550 mln. ayırıb. AİB öz təklifində ilk dəfə olaraq libor+0,6 faiz dərəcəli qeyri-konsessiyalı borlcar üzrə maliyyələşdirmə şərtlərini libor+0,2 faizədək azaltmağa razı olduğunu bildirib. Kredit ehtiyatları, 8 il güzəştli dövr olmaqla, 25 il müddətinə verilə bilər. Asiya Bankı borc üzrə faizlərdən əlavə xidmətə görə komisyon haqlarını azaltmağı təklif edir (0,35 faizdən 0,25 faizədək).
Avqustun 13-nə olan cari məzənnə -- 0,8131 AZN/USD.
Müəlliflə əlaqə saxlamaq üçün elektron ünvan - [email protected]
